Янгиликлар /

ван Гал: Бу – Моуриньонинг меҳнати самараси

Мақола нашр қилинди

«Манчестер Юнайтед» собиқ бош мураббийи Луи ван Гал клубни ўзидан кейин бошқарган Жозе Моуриньо ва бу лавозимнинг ҳозирги эгаси Оле-Гуннар Сульшернинг фаолияти ҳақидаги мулоҳазалари билан бўлишди.

«Мендан кейин келган мураббий [Моуриньо] услубни «автобус қўй ва қарши ҳужумларда ўйна» тактикасига алмаштирди. Ҳозирги мураббий ҳам автобус қўйиб, қарши ҳужумда ўйнаяпти. Сульшер ва Моуриньо орасидаги асосий фарқ – Сульшер ғалаба қозонмоқда.

Ҳозир бу клубда эмасман, бироқ ўзгаришлар сезилмоқда. Жамоадаги муҳит яхшиланган кўринади. Қолаверса, Сульшер Погбанинг позициясини ўзгартириб, уни ҳақиқатан ҳам ўзи муҳим роль ўйнай оладиган жойга қўйди.

«МЮ» ҳозир Фергюсон давридагидек футбол кўрсатяпти, деб айтмаган бўлардим. Жамоа қарши ҳужумларга асосланган ҳимоявий услубда ўйнаяпти. Агар бу сизга ёқаётган бўлса, марҳамат. Агар клубнинг ҳозирги ўйин услуби менинг давримдаги зерикарли ва ҳужумкор футболдан кўра жозибалироқ деб ҳисобласангиз, қаршилигим йўқ. Аммо мен бундай деб ҳисобламайман.

Сульшер охирги иккита ўйинда ютқазди ва вазиятга ечим топиши керак. «Манчестер Юнайтед» ЕЧЛга йўлланма олиши жуда муҳим. Шу билан бирга, клуб Чемпионлар лигасида ғолиб чиқиши ҳам мумкин. Чунки ҳимоядан ўйнамоқда. Бу жамоани енгиш жуда қийин ва сизга ёқадими-йўқми, бу – Моуриньонинг меҳнати самараси», – деди ван Гал BBC мухбири билан суҳбатда.

Эслатиб ўтамиз, нидерланд мутахассиси 2014-2016 йилларда тўлиқ икки мавсум манкунианликларни бошқариб, бир маротаба Англия кубогида ғолиб чиққанди.

116
Boshqa yangiliklar
Mulohozalar

    Вы должны авторизоваться, чтобы оставлять комментарии.