Неманья Матич Англия Премьер-лигаси 13-тури доирасидаги «Шеффилд Юнайтед»га қарши кечган ғалабали ўйиндан (3:2) кейин жамоанинг чемпионлик учун имкониятлари ҳақида гапириб ўтди.
«Ўйинга тезда киришиб кета олмадик, деган фикрга қўшилмайман. Биз ўйин бошиданоқ рақиб баҳсга ҳаёт-мамот даражасида ёндашишини билардик. Тўғри, ўйин бошида омадсизлик туфайли қўпол хатога йўл қўйиб, гол ўтказиб юбордик. Аммо кейинчалик учта гол билан вазиятни ўнглай олдик.
Бу уч очко биз учун жуда муҳим эди. Ғалаба бизни етакчиларга яқинлаштирди. Фикримча, «Шеффилд Юнайтед» бу ўйини билан энг охирги эмас, юқорироқда бўлишга лойиқ.
Шундай руҳда ўйнашда ва ғалаба қозонишда давом этсак, ишонаманки биз чемпионлик учун кураша оламиз. Бош совринга эга чиқамизми ёки йўқ, бу саволга жавоб бериш қийин», — дея Матичнинг сўзларини келтирмоқда BBC.
Маълумот учун, «Манчестер Юнайтед» АПЛ 13-туридан кейин 23 очко билан 6-ўринга кўтарилди. «МЮ» захирасидаги 1-турнинг қолдирилган учрашувида «Бернли»ни мағлуб эта олса, 26 очко билан 2-ўринга кўтарилиб олиши мумкин.
Сиз авторизациядан ўтмагансиз. Шарҳ қўшиш учун сайтга киринг.