Evans «Vest Bromvich» a'zosiga aylandi

Jonni Evans rasman «Vest Bromvich Albion» jamoasi a'zosiga aylandi.

Shimoliy Irlandiyalik futbolchi «Qizil iblislar» safida 200 ga yaqin uchrashuvda maydonga tushgan va 7 ta gol urishga erishgan.

«Vest Bromvich» tarkibida Evans «Yunayted» jamoasining sobiq a'zolari — Darren Fletcher, Ben Foster va Djeyms Chester bilan birgalikda to‘p suradi.

Futbolchining transferi borasidagi moliyaviy tomonlari to‘liq oshkor etilmadi.

« «Manchester Yunayted» jamoasi oldidagi xizmatlari uchun Jonni Evansning kelgusi faolyatiga omad tilab qoladi», — deya xabar berdi «Manchester Yunayted» jamoasi rasmiy sayti.