Алексис Санчес «Ювентус» қизиқиш доирасида бўлиб турибди, деб хабар бермоқда Calcio Mercato.
Таъкидланишича, Турин клуби чилилик футболчини ўз таркибига қўшиб олишга қарши эмас, аммо бунинг учун у маошининг сезиларли равишда камайишига рози бўлиши керак.
Аввалроқ «МЮ» бош мураббийи Оле-Гуннар Сульшер 30 ёшли Алексисни ўз режаларига киритмагани, шу туфайли Санчеснинг жамоадаги келажаги мавҳум бўлиб тургани хабар қилинган эди. Инглиз матбуотига кўра, у ўз агентларидан янги жамоа топишни сўраган. У Манчестердан кетиш учун маошининг камайишига ҳам рози.
Ҳужумчи Премьер-лиганинг бу мавсумида 17та ўйинда қатнашиб, 1+2 маҳсулдорлик натижаси билан кифояланган.
Сиз авторизациядан ўтмагансиз. Шарҳ қўшиш учун сайтга киринг.