Клопп: Рэшфорд билан фахрланаман

Юрген Клопп «Манчестер Юнайтед» форварди Маркус Рэшфорднинг футболдан ташқари ташаббусларини қўллаб-қувватлаб, уни мақтади.

«Маркус бошлаган ташаббус жуда ажойиб иш. Майдонда ҳар қанча рақиб бўлмайлик, футболдан ташқари мана шундай ишларда ҳамфикрмиз. Қийинчилик шароити ва муҳитида улғайган Рэшфорднинг ўтмишини унутмагани ва болалар ҳақида қайғураётгани ҳар қанча мақтовга лойиқ. Болалар ҳақида айнан у қайғураётгани бир тарафдан қайғули, бир томондан эса қувонарли. Аминманки, бундай фарзанд билан Маркуснинг онаси фахрланади. Рэшфордни яхши билмасам-да, ҳаттоки мен у билан фахрланаман. Унинг футболдан ташқари ижтимоий ташаббусларини олқишлайман», — дейди «Ливерпуль» устози.

Эслатиб ўтамиз, Рэшфорд Буюк Британия ҳукуматини пандемия даврида мактаблардаги бепул овқатланишни давом эттиришга кўндирганди. Футболчининг ушбу ташаббуси Британия империяси ордени билан мукофотланганди.